ليش تتحارشون؟

كثير هي الضواهر المزعجة بمجتمعاتنا وخصوصا المجتمعات الي بيهة نوع من انواع الكبت والحرمان
والضاهرة الي اني اقصدهة مزعجة حد القرف وهي التحرش بالبنات بالاماكن العامة وغير العامة
يعني من تمشي البنت بالشارع خصوصا اذا وحدهة الي يباوع والي يذبلة شكم حجاية تضل حسرة بقلبة تكتلة من القهر اذا ما حجاها ويمكن يموت وينفجر !!!
بللا كلنة بالشارع والاسواق ميخالف لان بيهة هواية نماذج تعبانة ومتخلفة
النوبة كمنا نمشي بنص الكلية ونسمع حجي اشكال والوان عبالك دنمشي بسوق باب المعظم
وكانة البنت كائن فضائي جاي من المريخ ولا عبالك انسان
ولتكلولي مساله حجاب واحتشام لان كل البنات ديتعرضون لهيج مواقف
بس اريد افتهم لو اختة لهذا الي ديتحرش ابنات الناس اتعرضت لهيج موقف شنو راح يكون ردة؟
يقبلهة على اختة؟؟؟ لعد ميكول خطية على بنات العالم ؟؟؟
والله مسلمت وحدة من هاي الضاهرة حلوة محلوة خالة مكياج محجبة سافرة لابسة بوشية الكل واتحدى بنت تكول مافد يوم تحرشوا بيه !!!!
طبعا ما اعمم لان اكو ولد ينحطون على الراس ادب واخلاق وشهامة يمشون بطريقهم معليهم بالرايح والجاي
السؤال للجميع ليش الولد يتحاررررررررررررررش ليش ؟؟؟؟؟؟


__________________